Белем җәүһәрләре — бөтендөнья интернет-проектлар бәйгесе. Бәйге татар телендә ясалган, фән, мәгариф һәм мәдәният өлкәләре белән бәйле интернет-ресурсларны барлау, аларны дөньяга таныту, әлеге ресурс авторларына ярдәм күрсәтү максатыннан оештырылып үткәрелә.Бәйге беренче тапкыр 2010 елда үткәрелә. Бәйгенең «туган көне» булып 2010 елның 5 феврале (иң беренче бәйге ачылу көне) санала.
Башкалабыз Казан шәһәренең Галиәсгар Камал исемендәге Татар дәүләт академия театрында "Белем җәүһәрләре” VI Дөньякүләм бәйге җиңүчеләрен бүләкләү тантанасы узды. Бөтендөнья пәрәвезендәге татарча проектларны барлап килә торган Җаваплылыгы чикләнгән "Белем.ру" җәмгыяте инициативасы, Татарстан Республикасы Мәгариф һәм фән министрлыгы, Татарстан Республикасы Мәдәният министрлыгы, Татнетны үстерү фонды тарафыннан 2010 нчы елдан оештырылучы Халыкара “Белем җәүһәрләре” бәйгесе быел да бу өлкәдә яхшы нәтиҗә күрсәткәннәрне барлады.
Әлеге бәйгенең максаты – татар интернетында яхшы сайтлар булдыру, аларның авторларын таныту, татар интернетын ныгыту.
Быелгы бу бәйге Татарстанның 19 районы һәм шәһәрен, Башкортстан, Самара, Оренбург өлкәләрен колачлады.
Конкурста финалга чыккан мәктәпләр исемлегендә безнең гимназия дә бар иде. Безнең http://tatgim15.ucoz.ru сайты беренче дәрәҗә дипломга лаек булды.
